Maska qunyn aıtarlyqtaı arzandatý mańyzdy - Prezıdent
NUR-SULTAN. QazAqparat – Memleket basshysy Qasym-Jomart Toqaev qorǵanys maskalarynyń baǵasyn arzandatý sharalaryn qamtamasyz etýdi tapsyrdy, dep habarlaıdy QazAqparat tilshisi.
«Qorǵanys maskalaryna baǵany eleýli somada tómendetýdi qamtamasyz etý mańyzdy. Olardyń quny basqa eldermen salystyrǵanda, onyń ishinde Reseıge qaraǵanda burynǵysynsha aıtarlyqtaı joǵary bolyp tur. Úkimet maskanyń shekti bólshek saýda baǵasyn 60 teńge shamasynda belgileýdi josparlap otyr. Maǵan habarlaǵandaı, Reseıde onyń quny 20-dan 30 teńgege deıin», - dedi Memleket basshysy.
Osy oraıda Prezıdent Básekelestikti qorǵaý jáne damytý agenttigine baǵaǵa qatysty taldaý júrgizýdi, sondaı-aq zerthanalyq qyzmetter men jeke qorǵanys zattary baǵytynda baǵa saıasatynyń monıtorıngin qamtamasyz etýdi tapsyrdy.
Budan buryn habarlanǵandaı, Memleket basshysy elimizde koronavırýsqa qatysty testileý baǵasy áli de joǵary ekenin aıtyp, bul turǵyda tıisti sheshim qabyldaýdy júktedi.
