Mask jasandy ıntellektige negizdelgen Grok 2.5 chat-botynyń bastapqy kodyn ashty

ASTANA. KAZINFORM — Amerıkalyq kásipker Ilon Mask jasandy ıntellektke (JI) negizdelgen Grok 2.5 chat-botynyń bastapqy kody ashyq bolǵanyn málimdedi, dep habarlaıdy TASS. 

– Ótken jyly bizdiń eń úzdik modelimiz bolǵan Grok 2.5 modeli endi ashyq bastapqy kodpen qoljetimdi, – dep jazdy mıllıarder X áleýmettik jelisinde.

Ol sondaı-aq Grok 3.0 modeliniń bastapqy kody «shamamen alty aıdan keıin» jarııalanatynyn atap ótti.

Mask 2023 jyldyń sáýirinde jasandy ıntellektpen aınalysatyn xAI startapyn qurǵan bolatyn. Birneshe aıdan soń kompanııa JI negizindegi Grok chat-botyn tanystyrdy. Joba avtorlarynyń aıtýynsha, bul ónim balamalarynan tsenzýranyń joqtyǵymen jáne naqty ýaqyt rejıminde ózekti aqparatqa qol jetkizý múmkindigimen erekshelenedi. 

Aıta ketelik Ilon Masktyń foto men vıdeo jasaýǵa arnalǵan neırondyq jelisi tegin boldy.