Ilon Mask Wikipedia-ǵa balama jasap shyǵardy
ASTANA. KAZINFORM — Amerıkalyq kásipker, ári mıllıarder Ilon Mask Wikipedia-ǵa básekeles bolyp tabylatyn Grokıpedııany iske qosty, dep habarlaıdy The Washington Post.
Basylymnyń málimetinshe, saıt stıli men formaty jaǵynan Vıkıpedııaǵa uqsaıdy. Qazir munda ChatGPT, Daıan Kıton jáne 2026 jylǵy fýtboldan álem chempıonaty sııaqty taqyryptarǵa arnalǵan maqalalar jarııalanǵan.
Joba — Masktyń tanymal tehnologııalyq quraldarǵa balama jasaý úshin óziniń hAI kompanııasy ázirlegen Grok-ty qoldanýdyń sońǵy áreketi.
Aıta keteıik, Grok ChatGPT-ge uqsas jasandy ıntellekt júıesi.
Ilon Masktyń keıbir jaqtaýshylary jobanyń iske qosylýyn asyǵa kútti. Al synshylar ótirik aqparattar men Vıkıpedııa mátinderin sózbe-sóz kóshiretin maqalalardyń mysaldaryna nazar aýdardy.
Saıtty iske qosqan kezde onda 885 myńǵa jýyq maqala ornalastyrylǵan, al aǵylshyn tilindegi Wikipedia-da 8 mıllıonnan astam maqala bar.
Grokipedia.com birneshe saǵat boıy jumys istep turdy. Biraq keıbir paıdalanýshylar ony iske qosqannan keıin kóp uzamaı máseleler týyndaǵanyn habarlady.
Aıta keteıik, buǵan deıin Ilon Masktyń foto men vıdeo jasaýǵa arnalǵan neırondyq jelisi tegin bolatyny týraly jazǵan bolatynbyz.