Mask Trampty qoldaý komıtetine keminde 75 mln dollar bóldi

ASTANA. KAZINFORM — Ilon Mask shildeden qyrkúıekke deıin Respýblıkalyq partııadan prezıdenttikke kandıdat Donald Trampty qoldaıtyn ózi qurǵan saıası komıtetke keminde 75 mln dollar bóldi. Buǵan AQSh Federaldyq saılaý komıssııasy jarııalaǵan málimetter dálel, dep habarlaıdy TASS aqparat agenttigi. 

Qarajat 3 shilde men 5 qyrkúıek aralyǵynda birneshe transhpen aýdaryldy. Mask osy ýaqyt ishinde komıtet jumysyn qarjylandyrǵan jalǵyz adam boldy.

Qyrkúıek aıynda The Washington Post gazeti atap ótkendeı, komıtet Trampty jaqtaıtyn naýqandy AQSh-tyń demokrattar men respýblıkashyldardyń aıqyn artyqshylyǵy joq bólikterinde kúsheıtip jatyr.

Basylymnyń aıtýynsha, bul Mask pen Tramp arasyndaǵy «saıası odaqtyń nyǵaıa túskenin» kórsetti.

Mask buǵan deıingi saılaýda Trampty qoldaǵan bolatyn. Eger Respýblıkalyq kandıdat jeńiske jetse, Maskty óz ákimshiligindegi qandaı da bir laýazymǵa taǵaıyndaıtynyn aıtty. 

AQSh-ta 5 qarashada ótetin prezıdenttik saılaýda Demokratııalyq partııanyń kandıdaty vıtse-prezıdent Kamala Harrıs bolady.

Kazinform úshin arnaıy TASS seriktes agenttigi usynǵan.

Eske sala ketsek, Mask qarasha aıynda ótetin AQSh prezıdenttik saılaýynda respýblıkashyl kandıdat Donald Tramp jeńilip qalsa, bul AQSh úshin sońǵy saılaý bolýy múmkin degen pikirin bildirgen.

Sondaı-aq, X áleýmettik jelisiniń ıesi saılaýaldy jıynǵa jınalǵandardy 5 qarashada ótetin saılaýda Trampty qoldaýǵa shaqyrdy.