Mask Tesla kompanııasyna tıesili robotaksıdi tanystyrdy

ASTANA. KAZINFORM – Ilon Mask ózi ıelik etetin Tesla kompanııasy shyǵarǵan Cybercab robottandyrylǵan taksıdi tanystyrdy, dep habarlaıdy TASS aqparat agenttigi. 

«Kórip turǵanyńyzdaı, men munda robotaksımen keldim. Meniń oıymsha, bizdi jarqyn bolashaq kútip tur», - dep bastady sózin mıllıarder. 

Tusaýkeser Kalıfornııa shtatyndaǵy Warner Bros. stýdııasynda, al kórsetilimi Tesla kompanııasynyń X paraqshasynda (burynǵy Twitter) júrgizildi. 

Masktyń aıtýynsha, qazirdiń ózinde jolaýshylardy tasymaldaý tolyq avtonomdy rejımde júrgiziletin, ıaǵnı júrgizý mehanızmderi joq 50 elektr kóligi bar. 

Ol kásipkerlerge arnalǵan bir robot taksıdiń quny 30 myń dollardy quraıtynyn aıtty, bul rette qyzmetti paıdalanýshylar ár mıl úshin shamamen 30-40 tsent tóleıdi.

Mask robotaksı jobasyn tamyz aıynda tanystyrýǵa ýáde berdi, biraq tusaýkeserden bir aı buryn ol kompanııaǵa elektromobıldi aıaqtaý úshin taǵy biraz ýaqyt qajet ekenin málimdedi. 

Buryn habarlanǵandaı, Ilon Masktyń Neuralink kompanııasy mıdaǵy kórý qyrtysy zaqymdalmaǵan jaǵdaıda soqyrlardyń kórý qabiletin qalpyna keltiretin Blindsight qurylǵysyna ruqsat alǵan.