Mask pen Tsýkerberg oktagonda jekpe-jekke shyǵatyn bolyp kelisti
ASTANA. QazAqparat – Álemdegi eń tanymal tehnologııalyq mıllıarderler – Ilon Mask pen Mark Tsýkerberg aralas jekpe-jekke arnalǵan dástúrli torda aıqasýǵa kelisti, dep habarlaıdy QazAqparat VVS-ge silteme jasap.
Mask týıtterde Tsýkerbergpen «torda aıqasýǵa daıyn» ekenin jazdy.
Oǵan Meta basshysy Tsýkerberg jaýap retinde Mask týıtiniń skrınshotyn jarııalap, «qaıda kezdesetinimizdi aıtyńyz» dedi.
Meta kompanııasynyń ókili BBC-ge «bul jaǵdaı túsindirýdi qajet etpeıtinin» aıtny.
Tsýkerbergtiń suraǵyna Mask jaýap jiberdi: «Vegastaǵy Oktagon (segizburysh)».
Oktagon - Ultimate Fighting Championship uıymy uıymdastyrǵan jekpe-jek ótetin arnaıy qorshalǵan arena. Ol Nevada shtatynyń Las-Vegas qalasynda ornalasqan.
Osy aıdyń sońynda 52 jasqa tolatyn Ilon Mask týıtterde «Eshqashan jattyǵý jasamaımyn, tek keıde balalarymdy kóterip aspanǵa laqtyramyn» dep jazdy.
Al 39 jastaǵy Tsýkerberg kóp jyldan beri aralas jekpe-jekpen aınalysady jáne djıý-djıtsý týrnırlerinde jeńimpaz atanǵan.
BBC Twitter kompanııasyna da habarlasyp kórdi. Biraq kompanııa ókilderi túsinikteme de, pikir de bildirmedi.
Mask pen Tsýkerberg arasyndaǵy hat almasý dereý kópshilik arasynda tarap ketti. Jeli qoldanýshylary bul aıqasta kim jeńiske jetýi múmkin ekenin talqylap jatyr.
Meta maýsymda týıtterge básekeles bolatyn jazba áleýmettik jelisin qurý týraly josparyn bólisken bolatyn.
Meta ókili BBC-ge platforma daıyndalyp jatqanyn rastady.
Ol Masktyń týıtterine BlueSky men Mastodon-nan da myqty básekeles bolýy múmkin.
