Mask óziniń xAI startapy X áleýmettik jelisin satyp alǵanyn habarlady
ASTANA. KAZINFORM — Ilon Mask óziniń jasandy ıntellekt salasynda damyp kele jatqan xAI startapy kásipkerge tıesili X áleýmettik jelisin satyp alǵanyn habarlady, dep habarlaıdy Kazinform BBC-ge silteme jasap.

— Bul kombınatsııa xAI-diń jetildirilgen AI múmkindikteri men tájirıbesin X-tiń keń qoljetimdiligimen biriktirý arqyly orasan áleýetti ashady, - dedi Mask.
Eki jyl buryn qurylǵannan beri xAI tez arada buryn-sońdy bolmaǵan jyldamdyq pen masshtabta modelder men derekter ortalyqtaryn qura otyryp, álemdegi jetekshi jasandy ıntellekt zerthanalarynyń birine aınaldy.
Mask Twitter áleýmettik jelisin 2022 jyldyń sáýir aıynda satyp aldy. Ol keıinirek X dep ózgertildi. Tranzaktsııa somasy 44 mıllıard dollardy qurady. Kelesi jyly xAI startapy iske qosyldy.
— Kompanııa AI úlgilerin úıretý úshin Nvidia chıpterin satyp alýǵa mıllıardtaǵan dollar jumsady, - dep eske alady AFP.
Aqpan aıynda xAI Grok 3 chat-botynyń sońǵy nusqasyn shyǵardy.
Buǵan deıin Tramp AQSh-tyń áskerı josparlaryn Maskqa berýge qarsy shyqqan bolatyn.