Mask NATO-ny tolyǵymen qaıta qurýǵa shaqyrdy

ASTANA. KAZINFORM - AQSh-tyń Úkimet tıimdiligi keńsesiniń (DOGE) basshysy Ilon Mask Soltústik Atlantıkalyq alıansty qaıta qurýǵa shaqyrdy, dep jazady TASS.

«NATO qaıta qurýdy qajet etedi», - dep jazdy ol X áleýmettik jelisinde senator Maık Lıdiń (ıÝta shtaty) NATO «eskirgen» jáne «qyrǵı-qabaq soǵys dáýiri áldeqashan aıaqtaldy» degen jazbasyna jaýap retinde.

Mask buǵan deıin de AQSh-tyń transatlantıkalyq saıasatyn birneshe ret synap, Eýropanyń qorǵanys shyǵyndaryn qysqartýǵa shaqyrǵan. Kásipker Vashıngtondaǵy aıtarlyqtaı bıýdjet tapshylyǵy men memlekettik shyǵyndardyń ósýin eskere otyryp, mundaı shyǵyndarǵa jol berilmeıtinin eskertti.

Buǵan deıin Donald Tramp Davosta NATO odaqtastarynan qorǵanys shyǵyndaryn JІÓ-niń 5%-yna deıin ulǵaıtýdy talap etip, AQSh-ta ónim óndirmeıtin kompanııalarǵa baj salyǵyn engizetinin aıtqan.

Osyǵan deıin Ilon Mask OpenAI-di baqylaý úshin 97 mlrd dollardan astam qarjy usynǵany týraly jazdyq.