«Mask ketýi kerek»: Nıý-Iorktegi Tesla salonynda narazylyq bildirýshiler ustaldy

ASTANA. KAZINFORM – Mask pen Tramp ákimshiliginiń saıasatyna narazylyq bildirýshiler Manhettendegi Tesla dıleriniń aldyna jınaldy, dep habarlaıdy Anadoly.

Nıý-Iork polıtsııasy kásipker jáne AQSh úkimettik tıimdilik departamentiniń (DOGE) basshysy Ilon Maskqa tıesili Tesla dılerinde narazylyq bildirgen bir top belsendini ustady.

Keıbir narazylyq bildirýshiler kólik satatyn dúkenge basyp kirgen, polıtsııa kóp ótpeı olardy qolǵa túsirdi.

Avtosalonnyń aldynda jınalǵandar «Maskty eshkim tańdaǵan joq» jáne «Mask ketýi kerek» dep urandy.

Aıta keteıik, Ilon Mask Donald Tramp saıasatynyń kesirinen baılyǵynyń tórtten birin joǵaltty.