Mask H áleýmettik jelisine masshtabty shabýyl jasalǵanyn habarlady

ASTANA. KAZINFORM – H áleýmettik jelisiniń ıesi Ilon Mask atalǵan áleýmettik jelige masshtabty kıbershabýyl jasalǵanyn habarlap, áli de jalǵasyp otyrǵanyn aıtty. Buǵan deıin álemniń ár túkpirindegi platforma tutynýshylary jeli jumysynda aqaý bolǵanyn jarysa jazdy. Bul týraly BBC málim etti.   

— H-ke masshtabty kıbershabýyl jasaldy áli de jalǵasyp jatyr. Bizge negizi kún saıyn shabýyl jasalady. Bul joly tipti úlken resýrsta jasaldy. Buǵan iri ortalyqtandyrylǵan grýppa nemese eldiń qatysy bar joǵyn anyqtap jatyrmyz, — delingen Masktiń H-ke jazǵan postynda. 

Dúısenbi kúni  H qoldanýshylary vebsaıttyń mobıldi nusqasynyń jumysyna shaǵym aıtqan. Olar sondaı-aq jańalyqtar lentasyn jańalaý, hat jiberýde másele týyndaǵanyn habarlaǵan. 

Buǵan deıin habarlanǵandaı, Ilon Mask 14-shi ret áke atandy.