Mask «Amerıka» atty jańa saıası partııa qurylǵanyn jarııalady

NЬıÝ-IORK. KAZINFORM – Ilon Mask óziniń X áleýmettik jelisindegi saýalnama nátıjesine súıene otyryp, «Amerıka» atty jańa saıası partııanyń qurylǵanyn jarııalady, dep jazady TASS.

– 2-ge 1 nátıjemen sizder jańa saıası partııanyń qajet ekenin qoldadyńyzdar – endi ol bolady. Eldi shekten tys shyǵyndar men paraqorlyq bankrotqa ushyratyp jatqan qazirgi jaǵdaıda biz demokratııada emes, birpartııaly júıede ómir súrip jatyrmyz. Sizderdiń bostandyqtaryńyzdy qaıtarý úshin búgin «Amerıka» partııasy quryldy, – dep jazdy ol X jelisinde.

Saýalnamaǵa 1,2 mıllıonnan astam qoldanýshy qatysqan. Olardyń 65,4 paıyzy jańa partııa qurýdy qoldaǵan.

Buǵan deıin AQSh prezıdenti Donald Tramp pen onyń burynǵy odaqtasy, Tesla kompanııasynyń bas dırektory Ilon Mask arasyndaǵy shıelenis qaıta órshigeni týraly jazdyq.