Mashınıster saqaldy alyp tastaý jónindegi metro talabyna qarsy shyǵyp, mekemeni sotqa berdi - Japonııa
ASTANA. QazAqparat - Japonııanyń Osakadaǵy metro mashınısteri saqalyn almaǵany úshin syıaqy berilmegenine qatysty keltirilgen shyǵynnyń ornyn toltyrýdy talap etýde, dep jazady The Guardian basylymy.
Metropolıtenniń eki qyzmetkeri kóliktik kásiporyn ústinen sotqa aryz-shaǵym túsirdi. Onda olar bonýstyq tólem qysqartylǵany úshin árqaısysyna 2,2 mln ıen (19 myń dollardan astam) ótemaqy tóleýdi talap etti. Olardyń oıynsha, syıaqy kólemi 2012 jyly engizilgen qyzmetkerlerdiń syrt kelbetine qatysty talaptarǵa sáıkes qysqarǵan.
50-ge jaqyndaǵan eki er adam osy mekemede on jyldan astam saqalmen júrgen. Alaıda, jańa erejelerge sáıkes metro qyzmetkerleri ıektegi túgin qyryp tastaý mindettelgen. Osy talapta áıel qyzmetkerler dekoratıvti kosmetıka paıdalanýǵ ıaǵnı árlenip júrý júktelgen.
«Men saqalymdy kútip ustadym, oǵan qatysty eshbir jolaýshy shaǵymdanǵan emes», - deıdi aryzdanýshynyń biri. Ol saqalyna bola syrt kelbeti súıkimsiz kórinedi degen talappen kelispeıtindigin jetkizdi.
