Mashınıst býldozermen birge muz astyna túsip ketti
ASTANA. QazAqparat - RF Amýr oblysynyń Zeıa aýdanyndaǵy karerde jumys istep júrgen mashınıst býldozerimen birge muz astyna túsip ketti. Mashınısti izdeý jumystary áli jalǵasýda. Atalǵan fakt boıynsha, tergeýge deıingi tekserý jumystary júrip jatyr, dep habarlady Reseı Tergeý komıteti aımaqtyq tergeý basqarmasynyń baspasóz qyzmeti.
«Seısenbi kúni aýdandaǵy Zeıa -Tynda avtojolynyń 55 shaqyrymyndaǵy karer mańynda jumys istep júrgen býldozer muz astyna túsip ketti. Ony 1967 jyly týǵan er adam basqarǵan. Atalǵan faktige sáıkes RF TK TB Amýr oblysy boıynsha Zeıa qalasynyń tergeý bólimi tergeýge deıingi tekserý jumystaryn uıymdastyrdy», - dep habarlady mekeme.
Tergeýdiń aldyn ala boljamy boıynsha, oqıǵa kezinde mashınıst qurylys tehnıkasynyń kabınasynda bolǵan. Karerdiń tereńdigi shamamen 18 metrdi quraıdy.
