«Máshınesi» kóp Ermahan Ybraıymov
ASTANA. 3 mamyr. QazAqparat - Sıdneı Olımpıadasynyń chempıony Ermahan Ybraıymov bul kúnderi Almaty qalasyndaǵy «Bokstan olımpıadalyq daıarlaý ortalyǵy» respýblıkalyq memlekettik mekemesiniń dırektory qyzmetin atqarady.
El boksynyń taǵdyryna alańdap júretin chempıon sońǵy kezderi máshınege áýestigi artqandyǵyn aıtady. Óziniń astynda «Djıp» kóligi bar. Soǵan qaramastan, kez kelgen jerde «máshıne» satyp ala berý hobbıine aınalyp ketken eken. Birinen-biri ótetin, kózdiń jaýyn alatyn oıynshyq kólikter boksshyny qoldy-aıaqqa turǵyzbaıdy. Sebebi, til-kózden saqtasyn, olımpıada chempıonynyń otbasynda bir qyzy, bes uly jelkildep ósip kele jatyr.
Maqala «Nur Astana» gazetiniń 3 mamyr kúni shyqqan sanynda jaryq kórdi.
