Mashına jasaý salasynda 44 ınvestıtsııalyq joba júzege asyryldy
ASTANA. 27 sáýir. QazAqparat - Ótken jyldyń osy kezeńimen salystyrsaq, 2012 jyldyń І toqsanyndaǵy qorytyndyǵa sáıkes mashına qurastyrý salasyndaǵy óndiris kólemi 120 paıyzdy quraǵan,
dedi rm.kz saıtyna bergen arnaıy suhbatynda Qazaqstan Kólik qurastyrýshylar odaǵynyń tóraǵasy Meıram Pishembaev.
Indýstrııalandyrý baǵdarlamasynyń aıasynda mashına jasaý salasynda 44 ınvestıtsııalyq joba júzege asyrylǵan. Bul júk tasıtyn temirjol vagondaryn jasaý, astyq tasıtyn kólikter, teplovozdar, jolaýshylar vagonyn, tikushaqtar jasaý sııaqty iri jobalar. Sondaı-aq munaı-gaz, taý-ken ónerkásibi jáne kólik jasaý salalarynda qajetti mashınalarǵa qosalqy bólshekter shyǵaratyn jańa kásiporyndar da iske qosylyp jatyr.
Qazaqstan Kólik qurastyrýshylar odaǵynyń tóraǵasy aıtqandaı, ınvestıtsııalyq jobalardyń júzege asyrylýymen avtokólik salasy da qatar damyp keledi. Qazaqstanda jeńil kólik, júk kólikteri men avtobýstar shyǵaratyn zaýyttar salynǵan.
«2011 jyldyń qorytyndysy boıynsha mashına qurastyrý salasyndaǵy óndiris quny 500 mlrd. teńgeni quraǵan, bul 2010 jylmen salystyrǵanda 33 paıyzǵa artyq», - dedi M.Pishembaev.
Sondaı-aq onyń atap ótkenindeı, sońǵy bes jylda bul saladaǵy óndiris kólemi shamamen 2 eseden asatyn kólemde, al 2000 jylmen salystyrsaq 11 esege ulǵaıǵan. «2000 jyly mashına qurastyrý salasyndaǵy óndiris kólemi 45 mlrd. teńgeni qurasa, 2007 jyly bul kórsetkish 220 mlrd. teńgege jetken», - dep atap ótti M.Pishembaev.
