Mashına jasaý salasyndaǵy ónimderdiń eksporty eki esege ulǵaıdy
ASTANA. KAZINFORM — Bul sektor damyp kele jatqanymen, elimizde maman jetispeıdi. Bul jóninde «Qazaqstan mashına jasaýshylarynyń odaǵy» ZTB atqarýshy dırektsııasy dırektorynyń orynbasary Mahambet Mendiǵalıev Qazaqstan mashına jasaýshylarynyń XIII forýmynda málimdedi.
— Sońǵy bes jylda eksport kólemi eki ese ósti, 1,3 mlrd teńgeden 3,1 mlrd teńgege artty. Ásirese, temirjol klasteri qarqyndy órkendep keledi. Sondaı-aq óndiristik jáne energetıkalyq qurylǵylar shet memleketterge satylyp jatyr. Mashına jasaýdyń osy baǵyttarynda suranys joǵary, — dedi ol.
Áıtse de, Mahambet Meńdiǵalıevtyń aıtýynsha, kadr tapshylyǵy ózekti másele bolyp otyr.
— Bizde jumysshy mamandar tapshy. Metall jonýshy, temir ustasy, jóndeýshi, ınjener, mehanık tárizdi kadrler jetispeıdi. Bul máseleni sheshý úshin Senat jáne Májilispen, memlekettik organdarmen, oqý oryndarymen birlesip jumys istep jatyrmyz. Birqatar ilki joba qolǵa alyndy, — dedi ol.
Aıta keteıik buǵan deıin mashına jasaý salasynda óndiris kólemi 5,7 trln teńgeden asqanyn jazǵanbyz.
