Mashına jasaý salasyndaǵy negizgi basymdyqtyń biri – maman daıarlaý
ASTANA. KAZINFORM – Bul maqsatta JOO baǵdarlamalaryna ozyq bilim berý tásilderi men tájirıbeleri engizilip jatyr. Bul jóninde QR Premer-mınıstri Oljas Bektenov Qazaqstan mashına jasaýshylarynyń XIII forýmynda málimdedi.
– Barlyq ınnovatsııalar men tehnologııalardyń negizinde adamnyń sheksiz áleýeti men aqyl-oıy turǵany belgili. Jańa býyn ınjenerleri men tehnıkalyq mamandardy daıarlaý – bizdiń basty basymdyǵymyz. Búginde bilim berý granttarynyń 60%-dan astamy ınjenerlik jáne IT mamandyqtaryna bólinip jatyr, – dedi ol.
Sonymen birge otandyq ýnıversıtetterde jáne jetekshi sheteldik tehnıkalyq ýnıversıtetterdiń ashylyp jatqan fılıaldarynda ozyq bilim berý tásilderi men tájirıbeleri engizilip jatyr. O.Bektenovtiń sózinshe, bul uzaq merzimdi tehnologııalyq damýdyń negizin qalyptastyrady.
Aıta keteıik buǵan deıin mashına jasaý salasyndaǵy kelesi qadamdar jóninde jazǵanbyz.
