Mashına jasaý, metall óńdeý jáne sý ındýstrııasy tehnologııalaryna arnalǵan kórme ótti
ASTANA. KAZINFORM — «EXPO» halyqaralyq kórme ortalyǵynda qos is-shara qatar uıymdastyryldy.
VII Halyqaralyq Kazakhstan Machinery Fair 2026 kórmesinde mashına jasaý jáne metall óńdeý boıynsha qurylǵylar tanystyryldy.
Al XV Halyqaralyq SU ARNASY — Water Expo 2026 kórmesinde sýmen jabdyqtaýǵa arnalǵan tehnologııalar qoıyldy. Kásibı alańda 24 memlekettiń 250-den astam kompanııasy ónimderin kópshilik nazaryna usyndy.
Qazaqstan kásiporyndarymen birge Germanııa, Italııa, Aýstrııa, Túrkııa, Qytaı t. b. elderdiń mekemeleri qatysty. Kórme qonaqtary «Arystan» astanalyq qubyr zaýyty» kompanııasynyń da ónimderine kýá boldy.
— Biz gaz, sý, káriz, jylý, kabel qorǵanysy qubyrlaryn jáne osy baǵyttaǵy t. b. ónimderdi shyǵaramyz. Polıetılen materıalynan jasalatyn qubyrlarymyzdyń dıametri 20 sm-den 1600 sm-ge deıin jetedi. Shıkizatty Reseıden alyp, jylyna 50 myń tonnaǵa deıin ónim óndiremiz. Búgin ártúrli kólemdegi qubyr úlgilerin kórsetip otyrmyz, — deıdi kompanııa ókili Altynaı Janysbaeva.
Aıta keteıik buǵan deıin Astanada «RES 2026 EXPO» halyqaralyq jasyl jáne turaqty tehnologııalar kórmesi ótkenin jazǵanbyz.
Sondaı-aq Qazaqstan ITB Berlin 2026 kórmesine ne usynǵanyn habarlaǵanbyz.
