Mashına jasaý kásiporyndaryna qandaı jeńildikter jasalǵan
«Elimizde mashına jasaý ónerkásibin damytýdyń úlken áleýeti bar. Úkimet salada jańa ınvestıtsııalyq tsıkldy iske qosýǵa baǵyttalǵan naqty sharalar keshenin iske asyryp jatyr. Ulttyq ekonomıka mınıstrligi bul jumysqa «Bıznestiń jol kartasy-2025» memlekettik baǵdarlamasy men «Qarapaıym zattar ekonomıkasy» baǵdarlamasy arqyly qoldaý sharalaryn qalyptastyryp otyr», - dedi ol Qazaqsta mashına jasaýshylarynyń ІH forýmynda.
Sondaı-aq, ol memleket tarapynan kórsetilip otyrǵan qoldaý sharalaryna jeke-jeke toqtaldy.
«Bıznestiń jol kartasy-2025» baǵdarlamasy boıynsha mashına jasaýshylarǵa 7 mlrd teńgege deıin, «Qarapaıym zattar ekonomıkasy» sheńberinde somasy shekteýsiz 6%-dyq nesıe beriledi. Sondaı-aq «Bıznestiń jol kartasy-2025» baǵdarlamasy aıasynda byltyrǵy 20 sáýirden bastap salalyq shekteýler alynyp tastaldy. Atalmysh baǵdarlama boıynsha 1 mlrd teńgeniń nesıesine 50%-ǵa deıin, al 360 mln teńgeniń nesıesine 85%-ǵa deıin kepildik usynylady», - dedi Tımýr Jaqsylyqov.
Onyń aıtýyna qaraǵanda, «Qarapaıym zattar ekonomıkasy» baǵdarlamasy boıynsha beriletin nesıe somasy 5 mlrd teńgege deıin bolsa, 30%-ǵa deıin kepildik, 3 mlrd teńgege deıin bolsa, 50% kepildik usynylady.
«Bıznestiń jol kartasy-2025» baǵdarlamasynyń aıasynda óndiristik nysanǵa ınfraqurylym tartý úshin 1 mlrd teńgege deıin sýbsıdııa kózdeledi. Salanyń joǵary ınvestıtsııalyq áleýetin eskere otyryp, mashına jasaý kásiporyndary úshin salyqtyq yntalandyrýdyń jáne ınvestıtsııalar tartý quraldarynyń birqatar sharalary kózdelgen.
Qyzmettiń basym túrleri úshin ınvestıtsııalyq kelisimshart jasasý kezinde koroporatıvtik tabys salyǵy, jer jáne múlik salyqtary boıynsha jeńildikter qoldaný shegi tómendetildi. Investıtsııa somasy 2 mln AEK-ten 1 mln AEK-ke, ıaǵnı 5,8 mlrd teńgeden 2,9 mlrd teńgege deıin azaıtyldy. Arnaıy ekonomıkalyq aımaqta da osyndaı jeńildikter qoldanylady», - dedi mınıstrdiń orynbasary.
