Mashına tórtinshi qabattan qulap, júrgizýshi aman qaldy - VIDEO
ASTANA. QazAqparat - Baltımorda 23 jastaǵy Audi Q5 júrgizýshisi kóp qabatta turaqqa kóligin qoıar sátte rýlge ıe bola almaı, ǵımarattyń tórtinshi qabatynan qulap ketti, dep habarlady Bı-bı-sı.
Beınebaqylaý kamerasy túsirgen jazbada áıeldiń zardap shekpegeni, kólikten qalaı shyqqany anyq kórinedi.
Jeńil jaraqattarmen Lındsı Teılor Kýk jergilikti aýrýhanaǵa jatqyzyldy, jaqynda úıine shyǵarylady.
Qulaǵan sátte, abyroı bolǵanda, júrginshilerge arnalǵan jolda eshkim bolmaǵan.
14 naýryzdaǵy Toýson qalasynda oryn alǵan oqıǵa jazbasy beısenbi kúni Baltımor okrýgi polıtsııasynyń ruqsatymen jarııalandy.
