Mashına qaqqan túıege ota jasalatyn boldy
ASTANA. QazAqparat - Ótken jeksenbide Smolensk oblysyndaǵy Rýsılovo eldi mekenindegi jolda bir túıeni kólik qaǵyp ketken bolatyn. Endi oǵan ota jasalatyn boldy.
Bul týraly TASS-qa juma kúni fermanyń veterınary Ekaterına Sıdorova habarlaǵan. Dárigerler janýardyń jol-kólik apatynan zardap shekken aıaqtaryn qutqarýǵa bel býyp otyr.
«Taıaý kúnderi jergilikti mamandar ota jasaıtyn bolady. Eń bastysy, shashylyp ketken aıaq súıekterin oryndaryna qoıý. Eger sátin salsa, túıe ornynan turyp, júrip ketetin bolady»,-deıdi Sıdorova.
