Máshhúr Júsiptiń tańdamaly shyǵarmalar jınaǵynyń 10 tomdyǵy jaryq kórdi

PAVLODAR. QazAqparat - Máshhúr Júsiptiń mereıtoıy aıasynda ǵulamanyń tańdamaly shyǵarmalar jınaǵynyń 10 tomdyǵy jaryq kórdi, dep habarlaıdy QazAqparat.

Baıanaýyl aýdanynda ótken saltanatty rásimde «Máshhúr jol» aýdıo kitaby da tanystyryldy.

«Memleket basshysy Qasym-Jomart Kemeluly Toqaev Túrkistanda ótken Ulttyq quryltaıda sóılegen sózinde: «Ádiletti Qazaqstandy Adal azamattar qurady. Bul – bir-birimen óte tyǵyz baılanysty uǵymdar. Otanǵa, otbasyna adaldyq – parasattylyq pen adamgershiliktiń belgisi», – dep atap kórsetip, «adal azamat» kontseptsııasyn alǵa tartqany belgili. Sonaý ilki ǵasyrlardan bastaý alǵan «kemal adam» ilimi men «tolyq adam» ustynynan tamyr tartyp, ulttyń bolmysyn qalyptastyratyn osy ulttyq qasıetterdiń asyl arqaýyn jalǵaǵan biregeı abyzdarymyzdyń biri Máshekeń dep sanaımyz», - dedi jıynda Aqparat jáne qoǵamdyq damý mınıstri Darhan Qydyráli.