Mashhúr Júsip kesenesinen bastaý alǵan marafon mamyrdyń 21-i kúni Pavlodar qalasyndaǵy Dańq alańynda márege jetedi
Memleket basshysynyń el aldyna qoıǵan maqsattarynyń biri - salaýatty ómir saltyn qalyptastyrý. Bul shara Uly Jeńistiń 65 jyldyǵy qurmetine jáne ishki ister salasynda uzaq jyl eńbek etken, zapastaǵy podpolkovnık Manarbek Bajeneevtiń 70 jasqa tolý mereıtoıy sheńberinde uıymdastyrylyp otyr, dep habarlaıdy QazAqparat.
Jaıaý júgirýshiler qatarynda tanymal jeńil atletter de bar. Osy marafonnyń mańyzdylyǵyn túsingendikten árbir eldi mekennen de turǵyndar men mektep oqýshylary da qosylýda. Marafondy Manarbek Bajeneevtiń ózi bastap júgirip kele jatyr.
Marafonshylar jol boıy Baıanaýyl, Maıqaıyń kentterin basyp ótti. Keshe Ekibastuz qalasynda bolyp, jergilikti ákimshilik basshylarymen jáne turǵyndarmen kezdesýler boldy. Aıta ketý kerek, 1970 jyldary Manarbek Bajeneev Ekibastuz qalalyq memlekettik avtoınspektsııasynyń bastyǵy qyzmetin atqarǵan. Manarbek Bajeneevtiń aýyldaǵy qarapaıym qyzmetten bastalǵan eńbek joly bıik belesterge jeteledi. Otan aldyndaǵy azamattyq boryshyn ótep, avtomobıl júrgizýshisi oqýyn tamamdap, ómirlik armany bolǵan ishki ister salasynda qyzmet isteýge shaqyrylǵan. 1964 jyly Pavlodar oblystyq memlekettik avtoınspektsııadaǵy bastalǵan eńbek joly úlken jetistikterdiń bastaýy boldy. Abyroıly qyzmetter atqaryp, úlken ómir mektebinen ótti. Qazir zeınetkerlikke shyqqanmen, eńbekten qol úzbeı, qaýipsizdik qyzmeti salasynda mol tájirıbe kórsetip keledi.
Marafonshylar Qarasor, Qalqaman, Pogranıchnık jáne Lenın eldi mekenderi arqyly mamyrdyń 21-i kúni Pavlodar qalasyna jetedi.
