Masha Konchalovskaıa ózdiginen demala bastady
ASTANA. QazAqparat - Marsel klınıkasynyń dárigerleri Andreı Konchalovskııdiń qyzyn ókpeni jasandy jeldetý apparatynan ajyratty, dep habarlady monavista.ru saıty.
Dárigerler mundaı qadamǵa Masha Konchalovskaıa ózdiginen demala bastaǵannan keıin bardy.
14 jastaǵy Marııa Konchalovskaıa alty aı essiz-tússiz jatqannan keıin ózdiginen demala bastady, dep habarlady BAQ. Sonymen qatar ol syrtqy áserlerdi qabyldaı bastady. Bul Mashanyń organızmindegi oń serpindi baıqatady.
Frantsýz dárigerleri aldaǵy kúnderi ol kózin ashady dep kútýde. Al osy aptada ol esin jııýy múmkin. Uzaqqa sozylǵan es-túsinen aıyrylýy onyń organızmine qanshalyqty zalal keltirgeni sodan keıin belgili bolady. Sondyqtan dárigerler ázirge boljam jasap otyrǵan joq.
Eske sala keteıik, ótken jyldyń kúzinde Frantsııanyń ońtústigindegi apattan keıin Masha Konchalovskaıa esinen aıyrylǵan bolatyn. Mashına rýlinde onyń ákesi, 76 jastaǵy rejısser Andreı Konchalovskıı bolǵan. Ol mashınany basqara almaı qalyp, jergilikti zeınetkerdiń mashınasyna soǵylǵan. Jol-kólik oqıǵasy saldarynan Masha ǵana aýyr soqqy alyp, es-túsinen aıyryldy.
