Máseleniń sáninen góri mánine nazar aýdaramyz – Úkimet basshysynyń Prezıdentke ýádesi

ASTANA. KAZINFORM – Búgin Úkimettiń keńeıtilgen otyrysynda Premer-Mınıstr Oljas Bektenov Memleket basshysy Qasym-Jomart Toqaevqa tapsyrmalardyń oryndalatyndyǵyna ýáde berdi.

«Qurmetti Prezıdent myrza! Siz bergen aýqymdy tapsyrmalardyń barlyǵy múltiksiz oryndalatyn bolady. Jańartylǵan Úkimettiń quramy oǵan daıyn. Máselelerdiń sáninen góri mánine kóp nazar aýdaramyz. Naqty ispen aınalamyz. Nátıje bolady dep ýáde beremin», - dedi Oljas Bektenov.

Aıta keteıik, 5 aqpanda Memleket basshysy «Qazaqstan Respýblıkasynyń Úkimeti týraly» jarlyqqa qol qoıyp, Úkimet otstavkaǵa jiberildi. 

Prezıdent keńesshisi - baspasóz hatshysy Berik Ýálı Úkimet basshysyn taǵaıyndaý rásimi jóninde pikir bildirdi.

Memleket basshysyna «Amanat» partııasynyń atynan Premer-Mınıstrdiń kandıdatýrasy usynyldy.

Prezıdent Parlamenttegi partııa fraktsııalarynyń jetekshilerimen kezdesti.

Májilis depýtattary Premer-Mınıstr laýazymyna Oljas Abaıuly Bektenovti taǵaıyndaýǵa kelisim berdi.