Máseleni qolǵa alaıyq: Marat Beketaev býkmekerlik jarnamanyń kóbeıip ketýi jaıly
Ádilet mınıstrliginiń alqa májilisinde Nur-Sultan qalasy ádilet departamentiniń basshysy Alan Tilenshıev býkmekerlik jarnamalardyń artýyna baılanysty alańdaýshylyq bildirdi.
«Býkmekerlik agenttikter men stavkalar týraly aıtsam dep edim. Ókinishke qaraı, qarapaıym azamat retinde baıqasaq, qazir aınalanyń bárinde býkmekerlik agenttikterdiń jarnamasy qaptap kettti. Bálkim, jaýapty mınıstrlikpen birge jarnama týraly qoldanystaǵy zańnamaǵa ózgeris engizý máselesin kótergen durys bolar?! Óıtkeni bizdiń balalar ınternette de, kóshede de kún saıyn býkmekerlerdiń jarnamasyn kóredi. Ókinishke qaraı, jastardyń soǵan qyzyǵýshylyǵy jyl sanap artyp barady», - dedi Alan Tilenshıev.
Bul usynysqa mınıstr qoldaý bildirdi.
«Bul usynysty qoldaımyn. Usynystardy ázirlep, Bilim jáne ǵylym mınıstrligi men Aqparat jáne qoǵamdyq damý mınıstrligine hat joldaıyq. Osy máselemen aınalysaıyq», - dedi Marat Beketaev.
