Másele Úkimettiń baqylaýynda – mınıstrlik Ekibastuz JEO-cynda zaqymdalǵan qubyr jaıly

ASTANA. QazAqparat – Ekibastuz JEO-cynda qubyr zaqymdalǵan jerde TJM, Atom jáne energetıkalyq qadaǵalaý jáne baqylaý komıteti ókilderi jáne oblys ákimdiginiń jedel shtaby jumys isteýde. Bul týraly Energetıka mınıstrliginiń baspasóz qyzmetinen málim etti, dep habarlaıdy QazAqparat tilshisi.

«18 aqpan kúni saǵat 04:37-de Ekibastuz JEO-synda sý jylytý bóliginiń jylý jelisin berý kollektory zaqymdandy. Nátıjesinde salqyndatqysh temperatýrasynyń parametrlerin tómendetý arqyly sý jylytý qazandyqtary toqtatyldy. Shamamen saǵat 20:00 kezinde jóndeý jumystary aıaqtaldy. Kollektordy toltyrǵannan keıin saǵat 23:00-de jylý jelisiniń parametrlerin kóterý úshin kezek-kezek sý jylytý qazandyqtaryn iske qosyla bastady. Oqıǵa ornynda TJM, Atom jáne energetıkalyq qadaǵalaý jáne baqylaý komıteti ókilderiniń qatysýymen oblys ákimdiginiń jedel shtaby jumys isteýde. Bul másele Úkimettiń baqylaýynda», - dep málim etti mınıstrliktiń baspasóz qyzmetinen.

Vedomstvo usynǵan aqparat boıynsha qazir jylý elektr ortalyǵynda 6 qazandyq jumys istep tur. Jylý berý temperatýrasy 70 gradýs.

Eske salaıyq, keshe Ekibastuz JEO-synda jelilik sý qubyry zaqymdalyp, úılerge jylý berý azaıtylǵan bolatyn.