«Masam» jobasy aıasynda ótken aptada Iemende 1190 jarylǵysh zat zalalsyzdandyryldy

ASTANA. KAZINFORM – Korol Salman atyndaǵy gýmanıtarlyq kómek jáne járdem kórsetý ortalyǵy (KSrelief) uıymdastyrǵan «Masam» jobasy aıasynda qazan aıynyń úshinshi aptasynda Iemenniń ártúrli aımaqtarynda 1190 jarylǵysh zat zalalsyzdandyryldy, dep habarlaıdy Kazinform The Saudi Press Agency agenttigine silteme jasap.

Zalalsyzdandyrylǵan jarylǵysh zattardyń qatarynda 1135 jarylmaǵan oq-dári, 49 tankke qarsy mına, bes jaıaý áskerge qarsy mına jáne eki qoldan jasalǵan jarylǵysh qurylǵy bar.

Bul jumystardyń nátıjesinde jobanyń iske qosylǵan sátinen bastap jalpy zalalsyzdandyrylǵan jarylǵysh zattar sany 519 824-ke jetken.

Atalǵan jarylǵysh zattar Iemen aýmaǵynda beıbereket ornalastyrylǵan. Bul jaǵdaı beıbit turǵyndar úshin, sonyń ishinde balalar, áıelder men qarttar úshin úlken qaýip tóndirip, buryn qaýipsiz bolǵan eldi mekender turǵyndaryna úreı úıirgen.

Saýd Arabııasy KSrelief jobasy arqyly Iemen jerin jarylǵysh zattardan tazartý mıssııasyn jalǵastyryp keledi. Bul – beıbit turǵyndardy qorǵaý jáne ıemendikterdiń qaýipsiz ári tynysh ómir súrýine jaǵdaı jasaý baǵytyndaǵy keń kólemdi gýmanıtarlyq kúsh-jigerdiń bir bóligi.

Aıta keteıik, Iemendik hýsıtter BUU-nyń ustalǵan bes qyzmetkerin bosatty. 

Sondaı-aq osy eldegi hýsıtter BUU-nyń 20 qyzmetkerin tutqynǵa aldy.