Jer dúmpýine baılanysty MasAlert júıesi avtomatty túrde iske qosyldy – TJD

ALMATY. KAZINFORM – Almaty qalasynan 9 shaqyrym jerde jer silkindi.

TJM «Seısmologııalyq zertteý ınstıtýty» JShS seısmıkalyq stantsııalar jelisimen 2025 jylǵy 21 qyrkúıek Astana ýaqytymen 16 saǵat 25 mınýt 19 sekýndta jer silkinisi tirkelgen.

Jer silkinisiniń koordınattary: 43.165 s.e., 76.824 sh.b.

Jer silkinisiniń oshaǵy Qazaqstan aýmaǵynda, Almaty qalasynan 9 shaqyrym ońtústik-batysta ornalasqan.

Jer silkinisiniń energetıkalyq klasy – 7.2. Magnıtýda MPV – 3.8.

Eseptik qarqyndylyǵy (balmen): sezilmeıdi.

Almaty qalasynyń aýmaǵynda dúmpý sezilgen joq.

– «Masalert» júıesi avtomatty túrde habarlandyrý taratty, - dep habarlady TJD.

Eske salaıyq, buǵan deıin almatylyqtarǵa jer silkinisi týraly habarlama kelgenin jazǵanbyz.

Sondaı-aq osydan biraz ýaqyt buryn MasAlert júıesi magnıtýda 5,5 baldan tómen kezde iske qosylýy múmkin ekeni habarlanǵan edi.