Masa ýlap jatyr: Astanalyqtar túngi ýaqytta terezesin jaýyp qoıǵany jón
ASTANA. QazAqparat - Astananyń qorshaǵan ortany qorǵaý jáne tabıǵat paıdalaný basqarmasy qala aýmaǵynda túngi ýaqytta saǵat 21.00-den 04.00-ge deıin 6 týr boıy basqa óńirlerden masalar aýyp kelmes úshin qorǵanys jasaı otyryp, shybyn-shirkeıdi qurtý sharalaryn ótkizedi, dep habarlaıdy QazAqparat elorda ákimdiginiń resmı saıtyna silteme jasap.
28 shildede 4-týr aıasynda Astana qalasynda masa joıý jumysy bastalǵan.
Bul jumys ashyq alańda bekitilgen jumys kestesine sáıkes júrip jatyr.
Elordanyń shetinen shybyn-shirkeı men olardyń jappaı ushyp kelýine jol bermeý maqsatynda qala mańyndaǵy qorǵanys bógetteri turaqty baqylaýda.
Jumys mamandandyrylǵan dezınfektsııalyq mashınalar men termogeneratorlardyń kómegimen, hlorpırıfos pen malatıonnyń belsendi zaty bar FOS klasynyń ınsektıtsıd preparattaryn qoldana otyryp júrgiziledi.
Zııankestermen kúres kezinde mynadaı saqtyq sharalaryn saqtaý mańyzdy:
- Dalaǵa barýdy shekteý;
- Óńdeý kezinde terezelerdi jabyńyz.
Óńdeý kezinde mynadaı tehnıka qoldanylady: 90-nan astam dezınfektor, 8 entomolog-bıolog, 24 termogenerator, 90 motorly sómke búrikkish, 3 dezınfektsııa mashınasy jáne 2 dezınfektsııa qondyrǵysy bar mototsıkl shassıi.
Sonymen qatar entomologııalyq ǵylymı toppen jumystyń tıimdiligin baqylaý turaqty negizde oryndalady.
Sol sııaqty zııankestermen kúres sharalarynyń ýaqytyn klımattyq jaǵdaılarǵa (jańbyr, daýyl, temperatýranyń tómendeýi jáne t.b.) baılanysty retteýge bolatynyn atap ótken jón.
