Masa shaqqannan keıin allergııa bolsa ne isteý kerek - maman pikiri
NUR-SULTAN. QazAqparat - Nur-Sultan qalalyq taýarlar men qyzmetterdiń sapasy men qaýipsizdigin baqylaý departamentiniń dırektory Sádýaqas Baıǵabylov masa shaqqannan keıin allergııa bolsa dárigerge qaralýǵa keńes beredi, dep habarlaıdy QazAqparat tilshisi.
Onyń aıtýynsha, qazirgi ýaqytta elordada masany ýlaý úshin qoldanylyp jatqan dáriler ózdiginen adamda allergııa týdyrmaıdy.
«Allergııa masa shaqqannan keıin paıda bolady. Sebebi masa shaqqan kezde qannyń uıýyna kedergi keltiretin zaty bar silekeıin, basqasha aıtqanda adam aǵzasy úshin bógde aǵýyzdy teri astyna engizedi. Dál osy silekeı masa shaqqan jerdi qyshytyp, ol isinedi, qyzarady, keıde aýyr allergııalyq reaktsııa týǵyzady», - dedi ol.
Departament basshysynyń sózine qaraǵanda, balalar bul protsesti jeńil kótere alady.
«Biraq, úlkenderge aýyr tıedi, bas aınalyp, júrek aınýy múmkin. Eresekterge alǵashqy belgileri baıqalǵan sátten-aq ózin-ózi emdeýmen aınalyspaı birden emhanaǵa, dárigerge júginýge keńes beremin. Ol allergııaǵa qarsy synama alyp, saraptama júrgizýi tıis. Bul dári egý kezinde anafılaksııalyq shok bolmaýy úshin jasalady. Sonymen qatar, ersekter de, balalar da masany úrkitetin jaqpamaıdy qoldanǵany jón», - dedi S.Baıǵabylov.
