Masa shaqqan polıtseıler ótemaqy alady
ASTANA. QazAqparat - Ońtústik Iorkshır graftyǵynda tártip qorǵaýshylarǵa kez kelgen bolmashy jaraqat úshin myń fýnttan tólenýde.
Ońtústik Iorkshır graftyǵynyń polıtseılerine oryndyqtan qulap, jándikterdiń shaqqany úshin ótemaqy tólendi. Jalpy alǵanda, sońǵy bes jylda tólengen ótemaqy somasy 144 myń fýnt sterlıngti (8,3 mln. rýbl)quraǵan. Aıtarlyqtaı mańyzdy emes zalal úshin osyndaı iri kólemdegi aqshalaı ótemaqyny salyqtóleýshilerdiń quqyǵyn qorǵaýshy uıym ókilderi oılap shyǵarǵan, dep jazady Mirror.
Atap óteıik, baspaldaqtan qulaǵany úshin bir quqyq qorǵaýshyǵa 10 myń fýnt sterlıng, al taǵy bireýine saýsaǵyn esikke qysyp, jaraqattap alǵany úshin 1,5 myń fýnt tólengen.
Polıtsııada ysyrapshyldyqqa baılanysty shaǵymdy joqqa shyǵaryp otyr. Ondaǵylar tártip saqshylary qyzmettik mindetterin oryndaýda densaýlyǵyna kelgen zııan kelgen jaǵdaıda zań qamqor bolý kerek ekendigin málimdegen.
Reseıde quqyq qorǵaý qyzmetkerlerine tólenetin tólemaqylar da jıi janjalǵa ákelip jatady. Máselen, 2012 jyldyń mamyrynda memleket astanasynyń Erekshe taǵaıyndaýdaǵy mılıtsııa jasaǵynyń tórt qyzmetkeri 6 mamyrda Bolotnoıda bolǵan kóterilisishiler mıtıngisin basý kezinde zardap shegip, árqaısysy eki bólmeli páterden alǵan. Máskeýlikter úkimettiń bul sheshimin oń baǵalamady, dep jazady Ýtro.rý.
