Masa shaqqan áıeldiń aıaǵy men qolyn kesip tastady
ASTANA. QazAqparat - Oqys oqıǵa Keln qalasynda naýryz aıynda bolǵanymen, jaı-japsary endi ǵana anyqtalyp otyr. Keleńsiz jaǵdaı sypyrýshy qyzmetin atqaratyn áıel shelekke salynǵan qoqysty shyǵaryp kele jatqanda bolǵan.
Oǵan jilinshigin masa shaǵyp alǵan sııaqty kóringen, dep habarlaıdy Die Welt.
Sanaýly mınýttardyń ishinde onyń aıaǵy isip shyǵa keledi. Osydan keıin zardap shegýshiniń ystyǵy kóterilgen. Esi shyqqan áıel kúıeýine qońyraý shalyp, ol dereý jaqyn jerdegi klınıkaǵa jetkizedi.
Dárigerler zardap shekken áıeldi qarap, aýyrsynýdy basatyn dári ekkennen keıin, áıeldiń jaǵdaıy birshama túzelgen. Biraq úıine kelgende jaǵdaıy nasharlap, aýrýhanaǵa qaıta barýyna týra keledi. Birneshe saǵattyq ıntensıvti terapııa da aıtarlyqtaı nátıje bere qoımaǵan. Aýyrǵany tek kúsheıe túsken. Áıel komaǵa túsip, bir apta es-tússiz jatty. Osy ýaqytta aıaqtary men sol qolynyń saýsaqtary jansyzdana bastaǵan. Dárigerler emdelýshiniń ómirin saqtap qalý úshin ota jasap, zaqymdanǵan aıaq-qoldaryn dereý kesip alyp tastaýǵa sheshim qabyldaıdy.
Qazirgi ýaqytta zardap shegýshiniń jaǵdaıy ońalyp keledi.
Foto: Sommer, A./ Global Look
