Mas júrgizýshiniń kesirinen 47 jastaǵy áıel kóz jumdy
QOSTANAI. QazAqparat - Qostanaı oblysynda jol apatynan 47 jastaǵy áıel kóz jumdy, dep habarlaıdy QazAqparat oblystyq ІІD baspasóz qyzmetine silteme jasap.
Oqıǵa Amangeldi aýdanyndaǵy Qarasý aýylynyń mańynda bolǵan.
«Jol apaty týraly aýdandyq ІІB kezekshi bólimine aýrýhananyń feldsheri habarlady. Arqalyq-Torǵaı tasjolynda «Aýdı 80» markaly avtokóliginiń júrgizýshisi rólge ıe bola almaı, joldan shyǵyp ketti. Nátıjesinde kólikte otyrǵan 47 jastaǵy jolaýshy áıel oqıǵa ornynda kóz jumdy», - dedi oblystyq ІІD baspasóz hatshysy Irına Bejenar.
Medıtsınalyq saraptamalarǵa sáıkes, kólik júrgizýshisi mas kúıinde bolmaǵan. Qazirgi ýaqytta QR QK 345-baby («Jol qozǵalysy erejesiniń buzylýy») boıynsha sotqa deıingi tergeý sharalary júrgizilip jatyr.
