Mas júrgizýshilerdiń kólikteri tárkilenedi
ASTANA. QazAqparat - Danııada kólikti mas kúıinde júrgizgender endi temir tulparlarynan aıyrylady. Bul elde alkogoldik ishimdik ishkenderdiń kólikti basqarýyna jaza kúsheıtilip otyr.
Qanynda 2 promılleden artyq alkogol ónimi anyqtalǵan júrgizýshilerdiń kólikteri tárkilenetin bolady.
Al kólikterdi satýdan túsken qarjy memlekettik qazynaǵa baǵyttalady. Sonymen qatar bul ereje Danııa aýmaǵynda kólikti mas kúıinde basqarǵan sheteldikterge de qatysty bolmaq.
Mundaı qatań sanktsııalar jol-kólik oqıǵalarynyń sanyn azaıtý úshin qabyldanyp otyrǵan kórinedi. Sebebi, Danııa joldaryndaǵy árbir tórtinshi adamnyń ólimi alkogoldi tutynýmen baılanysty eken, dep jazady Rosbalt.
