Mas júrgizýshi on bes adamdy basyp, onyń beseýi ajal qushty
ASTANA. QazAqparat - Búgin tańerteń Reseıdiń Voronej qalasynda «Volvo» kóligin basqarǵan 28 jasar júrgizýshi 15 adamdy qaǵyp ketti. Sonyń saldarynan 5 adam qaza bolyp, qalǵan 10-y aýrýhanaǵa jetkizildi.
Belgili bolǵandaı, atalǵan júrgizýshi araqqa sylqııa toıyp alǵan kórinedi. Ol kólikti basqara almaı qalyp, dámhananyń qasynda turǵan bir top adamdy qaǵyp ketken. Adamdardy basqannan keıin júrgizýshi oqıǵa ornynan jasyrynbaq bolǵan, alaıda ony polıtsııa quryqtap úlgerdi.
Osy fakti boıynsha qylmystyq is qozǵaldy. Bes adamnyń ómirin qıǵan oqıǵaǵa kináli azamat 9 jylǵa deıin bas bostandyǵynan aıyrylýy múmkin.
