Mas júrgizýshi kóligimen jekemenshik úıdiń qabyrǵasyn qıratyp ketti
ASTANA. QazAqparat - Samara oblysynda júrgizýshi kólikti basqarý tetigine ıe bola almaı, jekemenshik úıdiń qonaq úı bólmesin tesip ótken.
ІІM oblystyq basqarmasy basshysynyń habarlaýynsha, apat keshe keshke Kınele qalasynda Zolınskaıa men Novo-Sadovyı kósheleriniń qıylysynda oryn alǵan. Lada Priora júrgizýshisi 1987 jyly týǵan, jergilikti turǵyn. Qatty jyldamdyqpen kele jatqan azamat jol jıegine shyǵyp ketken. Kólik metall qorshaýdy qıratqan boıy úıdiń qabyrǵasyna soǵylǵan.
Saraptama kórsetkendeı, júrgizýshi mas bolǵan.
Tekserý materıaldary sotqa joldandy, júrgizýshi sheshim shyqqanǵa deıin qamaýda bolady.
