Mas júrgizýshi assenızator róline otyrǵan
30 mamyr kúni respýblıkalyq mańyzy bar «Samara – Shymkent» tasjolynyń 1907 – 1957 shaqyrymy aralyǵynda Qyzylorda oblysy Polıtsııa departamentiniń jyljymaly patrýldik beketiniń qyzmet atqarý barysynda saǵat 07:00 shamasynda GAZ 53 markaly avtokóligi (assenızator kóligi) joldyń qarsy betine shyǵyp, polıtsııa qyzmetkerleriniń toqtatý zańdy talabyna baǵynbaıdy.
Polıtseılerden qashqan kólik júrgizýshisi joldyń júris bóliginen shyǵyp ketip, jol jıegindegi aryqqa túsip, toqtaıdy. Polıtsııa qyzmetkerleri dereý kóliktiń artynan júrip, júrgizýshiniń mas kúıde ekendigin baıqaıdy. Іshimdik iship, kólik aıdaǵan júrgizýshini polıtseıler saraptamadan ótkizý úshin Shıeli aýdandyq aýrýhananyń narkologııalyq bólimine aparady. Saraptama qorytyndysyna sáıkes, kólik júrgizýshisi orta dárejeli masań kúıde bolǵany anyqtaldy.
Sol jerde polıtseıler 26 jastaǵy kólik júrgizýshisi Qaraýyltóbe aýylynyń turǵynyna qatysty QR ÁQBtK-niń 608-babynyń 1-bóligimen (júrgizýshiniń kólik quralyn alkogoldik masań kúıde basqarǵany úshin) jáne 596-babynyń 1-bóligimen (kólik quralynyń joldyń júris bóligine qarama – qarsy baǵytta shyǵýy) ákimshilik hattamalar toltyryldy.
Assenızator kóligi aıypturaǵyna qoıyldy. Jınaqtalǵan qujattar tısti sheshim qabyldaý úshin sotqa joldandy.