«Mas jolaýshy»: Pavlodarda áleýmettik eksperıment ótkizildi

Pavlodarda «Mas jolaýshy» áleýmettik eksperımenti ótkizildi. Kazinform bul týraly Polisia.kz-ke silteme jasap habarlaıdy. 

Polıtsııaǵa «Kómektesińiz, avtobýsta mas jolaýshy bar» degen habarlama tústi. Ashýly áıel qoǵamdyq kólik qozǵalysynyń baǵytyn habarlady. Kelesi aıaldamada polıtseıler «kóńildi» jolaýshyny kútip aldy.

«Tasymaldaýshy» JPІSh aıasynda biz áleýmettik eksperıment júrgizdik. Sonymen mas adamnyń áreketin keltirgen adam qalalyq kólikke kirdi. Shartty buzýshy avtobýsqa kirip, «syra» ishe bastady. Áleýmettik eksperımenttiń qorytyndysy boıynsha tek kondýktor ǵana mas adamǵa kóńil bólgen, ol onyń eskertýleri men qoǵamdyq tártipti saqtaý týraly ótinishterin elemedi. Al barlyq jolaýshylar «akterdiń» syrany qalaı tynysh ishkenin únsiz baqylap otyrdy», – dedi Pavlodar qalasy PB bastyǵynyń birinshi orynbasary Arman Qaptaev.

Ár jolaýshymen polıtseıler profılaktıkalyq áńgime ótkizip, jolaýshylardy polıtsııaǵa osyndaı quqyq buzýshylar týraly habarlaýǵa shaqyrdy. Osy ádispen polıtseıler qoǵamdyq tártipti buzatyn azamattardyń problemasyna jurtshylyqtyń nazaryn aýdarǵysy keledi.

Tártipti buzý motıvatsııasynyń negizgi býyny – qoǵamǵa, aınalasyndaǵylarǵa, belgili bir adamnyń jeke basynyń qadir-qasıetine nemquraılylyq tanytpaý degen umtylys. Kez kelgen quqyq buzýshy azamattar úshin qaýipti. Óıtkeni onyń áreketteriniń saldary, judyryq bolsyn, balaǵat sóz bolsyn, qaıǵyly aıaqtalýy múmkin.