Mas jigit Shymkent meshitterinde telefon urlaýmen aınalysqan

ShYMKENT. KAZINFORM — Meshitte mas bolyp júrip gadjet urlaǵan túrkistandyq ustaldy. 

Túrkistan oblysynyń turǵyny Shymkenttegi meshitterdiń birinde uıaly telefon urlaýmen aınalysqan.

Ol bir kúnde eki azamatty gadjetsiz qaldyryp, bir kishkentaı balanyń uıaly telefonyn aldap alyp qoıǵan.

Polıtsııa ony mas kúıinde kezekti ret urlyq jasaǵan kezde ustady.

Tártip saqshylary telefondy zańdy ıelerine qaıtardy.

Ustalǵan er adamǵa qatysty tergeý júrip jatyr. 

Polıtsııa qyzmetkerleri qalta urlyǵy adam kóp jınalatyn oryndarda — bazar, saýda ortalyqtary, avtobýsta jıi jasalatynyn eskertedi.