Mas polıtseı júıtkitken Subaru ekinshi qabattaǵy balkonnan bir-aq shyqty (FOTO)
ASTANA. QazAqparat - Reseıde mas polıtseı rýlde otyrǵan Subaru ekinshi qabattaǵy balkonǵa soǵyldy, dep habarlaıdy auto.bigmir.net.
Anyqtalǵandaı, asa úlken jyldamdyqpen kele jatqan Subaru Impreza júrgizýshisi kólik tizginine ıe bola almaı, joldan shyqqan kúıi aǵashqa soǵylǵan. Qatty soqqydan keıin serpilgen mashına aýla ishinde turǵan Subaru Impreza shaǵyn avtobýsynyń tóbesinen bir-aq shyqqan. Artynsha ekpinimen birneshe ret aýada aınalǵan kúıi turǵyn úıdiń ekinshi qabatyndaǵy balkondy soǵyp, birinshi qabattaǵy terezeni qırata jerge túsken.
Bir tańqalarlyǵy, júrgizýshi de, onyń janyndaǵy jolaýshy da tiri qalǵan. Ekeýi de aýrýhanada. Belgilisi, ekeýi de polıtsııa qyzmetkerleri. Ázirge naqtylanbaǵan aqparatqa qaraǵanda, olar mas bolǵan.
