Mas polıtseı jaıaý júrginshini qaǵyp, oqıǵa ornynan qashyp ketti
ASTANA. QazAqparat - Astanada polıtsııa qyzmetkeri jaıaý júrginshini qaǵyp, oqıǵa ornynan qashyp ketti. Bul týraly QR ІІM resmı ókili Almas Sadýbaev málim etti, dep habarlaıdy QazAqparat tilshisi.
Aǵymdaǵy jyldyń 7 qazanynda elordada polıtsııa qyzmetkeri mas kúıde jeke kólikpen joldyń boıyndaǵy jaıaý júrginshi jolymen kele jatqan adamdy qaǵyp ketti. Polıtseı júrginshini qaqqannan keıin oqıǵa ornynan boı tasalaǵan. Al júrginshi aýyr jaraqatpen medıtsınalyq mekemege jetkizildi», - dedi ol.
Onyń aıtýynsha, sol kúni jol apatyn jasaǵan polıtseı anyqtalyp, ustalǵan. Sonymen qatar. onyń ishki ister organdarynda qyzmet etetindigi jáne zardap shekken adamdy oqıǵa ornynda tastap ketkendigi eskerilip, sot sanktsııasymen 2 aıǵa tutqynǵa alynǵan.
«QR QK 345 jáne 347-baptary boıynsha sotqa deıingi tergeý amaldary júrgizilip jatyr. Sondaı-aq, ishki qyzmettik tekserý júrgizý belgilendi. Onyń nátıjesinde atalǵan polıtsııa qyzmetkeriniń basshylary da qatań tártiptik jaýapkershilikke tartylady. Tipti qyzmetterinen de shyǵarylýy múmkin», - dedi Almas Sadýbaev.
