Mas kúıinde kólik júrgizgenderdiń jazasyn qaıta qaraý kerek - Premer

ASTANA. KAZINFORM – Premer-mınıstr Oljam Bektenov Іshki ister mınıstrligine mas kúıinde kólik júrgizgenderdiń jazasyn qaıta qaraýdy tapsyrdy.

«Jyl basynan beri 6 mıllıonǵa jýyq jol erejesin buzýdyń joly kesildi. 12 myńnan astam mas júrgizýshi ustaldy. Tájirıbe kórsetkendeı, mundaı tártip buzatyndarǵa óte qatań sharalar qoldanylýy qajet», - dedi ol.

Úkimet basshysy Úkimettiń bul máseledegi basty mindeti adam ómirin saqtaý ekenin eske saldy.

«Sondyqtan osyndaı quqyq buzýshylyqtardyń aldyn alý tásilderin qaıtadan qaraý qajet dep sanaımyn. Bizdiń basty mindetimiz – jol qozǵalysy qaýipsizdigin qamtamasyz etý, avarııalar men ólim-jitimdi azaıtý. Ol úshin júıeli is-sharalardy ázirleý kerek», - dedi Oljas Bektenov.