Mas kúıinde júk kóligimen aýdarylǵan atyraýlyq 8 jylǵa kólik júrgizý quqyǵynan aıyryldy
ATYRAÝ. QazAqparat - Atyraýda mas kúıinde «KamAz» júk kóligimen aýdarylǵan júrgizýshi 8 jylǵa kólik júrgizý quqyǵynan aıyryldy, dep habarlaıdy QazAqparat.
«12 tamyz kúni Atyraý-Astrahan kúre jolyndaǵy Isataı aýdanynyń avtomobıl ótetin kópirinde «KamAz» júk kóligi aýdaryldy. Ony júrgizgen Qyzylqoǵa aýdany, Saǵyz aýylynyń 1988 jylǵy turǵyny mas bolǵan.
Tártip buzýshyǵa qatysty QR Ákimshilik quqyqbuzýshylyqtar týraly kodekstiń 608-baby (Kólik quralyn mas kúıinde júrgizý) boıynsha ákimshilik hattama toltyryldy. Sot qaýlysy boıynsha, oǵan 20 táýlikke qamaý jáne 8 jyl júrgizýshi kýáliginen aıyrý jazasy taǵaıyndaldy», - dep habarlaıdy Atyraý oblysy polıtsııa departamentiniń baspasóz qyzmetinen.
