Mas kúıinde Sybaılas jemqorlyqqa qarsy qyzmet kýáligin kórsetken adam anyqtaldy - agenttik

NUR-SULTAN. QazAqparat – QR Sybaılas jemqorlyqqa qarsy is-qımyl agenttiginiń aǵa ofıtseri Dınara Qulymbetova vıdeoda mas kúıinde Sybaılas jemqorlyqqa qarsy qyzmet qyzmetkeriniń kýáligin kórsetken er adamǵa qatysty túsinik berdi, dep habarlaıdy QazAqparat tilshisi.

«Jol-kólik oqıǵasyn jasaǵannan keıin, mas kúıindegi er adam Sybaılas jemqorlyqqa qarsy qyzmet qyzmetkeriniń kýáligin kórsetkeni jaıynda áleýmettik jelilerde taraǵan beınetúsirilim úlken qoǵamdyq rezonans týdyrdy. Jedel izdestirý is-sharalary barysynda buryn aýyr qylmys jasaǵany úshin jáne ishki ister organdarynda izdestirilip jatqan Abdýllaev ustaldy. Onyń jalǵan qyzmettik kýáligi anyqtaldy», - dedi D. Qulymbetova onlaın rejımde ótken brıfıngide.

Onyń aıtýynsha, atalǵan jalǵan qyzmettik kýálik Sybaılas jemqorlyqqa qarsy qyzmettiń úlgisindegi qujat negizde jasalmaǵanyn naqtylady.

Budan buryn habarlanǵandaı, Dınara Qulymbetova Sybaılas jemqorlyqqa qarsy qyzmet ókiliniń atyn jamylǵan alaıaqtar ustalǵanyn aıtqan edi.