Mas kúıinde kólik júrgizgender júrgizýshi kýáliginen birjola aıyrylýy múmkin
ASTANA. QazAqparat - Qyrǵyzstanda júrgizýshiniń mas kúıinde kólik júrgizýi saldarynan oryn alǵan jol-kólik oqıǵalarynda zardap shegýshiler bolǵan jaǵdaıda júrgizýshi kýáliginen birjola aıyrý qarastyrlýda. Sáıkes zań jobasyn Sot-quqyq jáne zańdylyq máseleleri jónindegi parlamenttik komıtet qoldady, dep habarlaıdy RBK.
Atalmysh eldiń parlamenti bul týraly túsinik berdi. «Bul zań jobasy jazaǵa tartýdyń qosymsha túrin - kólikti basqarý quqyǵynan aıyrýdy engizýdi kózdeıdi. Atap aıtqanda, ishimdik iship, esirtki shegip nemese basqa da joldarmen masaıǵan adam kólik júrgizgende jol-kólik oqıǵasy oryn alyp, sonyń saldarynan dene jaraqatyn alǵan zardap shegýshiler nemese ólim-jitimge ushyraǵandar bolsa, ol júrgizýshini júrgizýshilik kýáliginen ómir boıyna birjola aıyrý qarastyrylady», - deıdi olar.
