Mas kúıinde kólik júrgizgen elorda turǵyny jas qyzdy qaǵyp ketti
NUR-SULTAN. QazAqparat - Nur-Sultanda qalasynda mas kúıinde kólik basqarǵan er adam jas qyzdy qaǵyp ketti, dep habarlaıdy QazAqparat elordalyq Polıtsııa departamentine silteme jasap.
«Lexus» markaly avtokóliginiń júrgizýshisi Á.Bókeıhanov kóshesimen kele jatyp, jaıaý júrginshi - 24 jastaǵy qyzdy qaǵyp ketken. Júrgizýshiniń qujatyn tekserý kezinde polıtsııa qyzmetkerleri 56 jastaǵy er adamnan alkogoldiń ótkir ıisin baıqaǵan. Medıtsınalyq kýálandyrýǵa sáıkes kólik júrgizýshisiniń mas bolǵany anyqtaldy. Jol-kólik oqıǵasy saldarynan dene jaraqatyn alǵan boıjetken qalalyq aýrýhanaǵa jetkizilip, medıtsınalyq kómek kórsetilgennen keıin úıine jiberildi», - delingen habarlamada.
