Mas kúıinde kólik basqarǵandarǵa jaýapkershilik qataldana túsýi shart - R. Sárpekov
ASTANA. QazAqparat - Búgin Parlament Májilisiniń jalpy otyrysynda jańa redaktsııadaǵy Qylmystyq kodeks jobasyna qatysty depýtat Ramazan Sárpekov osyndaı pikir bildirdi.
Depýtat sóz arasynda buqaralyq aqparat quraldary jıi kóterip kele jatqan máseleniń biri kólikti mas kúıinde júrgizgenderge qarastyrlatyn jaýapkershilik ekenin alǵa tartty. Onyń aıtýynsha, búgingi resmı derekter boıynsha jylyna 4 myńǵa jýyq adam mas kúıinde kólik júrgizý zardabynan kóz jumady. 20 myńǵa jýyq azamattar túrli dene jaraqattaryn alady.
«Qoldanystaǵy Qylmystyq kodekstiń 296-babynyń 2-tarmaǵynda kólik júrgizýshisi mas kúıinde bir adamnyń ólimine soqtyrsa 5 jylǵa deıin, eki jáne odan da kóp adamnyń ólimine soqtyrsa 10 jylǵa deıin bas bostandyǵynan aıyryp, onyń jazasyn óteýi qonys-kolonııalarda taǵaıyndalady. ıAǵnı, qoldanystaǵy kodeks mas kúıindegi kisi ólimin «abaısyzda jasalatyn kisi ólimi» retinde qarastyryp otyr. Al osy jańa kodeks jobasynda mas kúıinde jol-kólik oqıǵasyn jasaǵandar qasaqana qylmys jasaǵandar sanatyna jatqyzylady. Bul árıne, durys. Degenmen, meniń oıymsha, osylaı jazany bólgenniń ózinde kináli tulǵanyń qazirgi jazalanýy qoǵamǵa tıgizer zardaby turǵysynan sáıkes emes sekildi», - dedi R. Sárpekov.
