Mas kúıinde adam óltirgen kúdikti qolǵa tústi
ASTANA. 5 jeltoqsan. QazAqparat - Almaty oblysynyń polıtseıleri birneshe aı buryn jasalǵan kisi óltirý qylmysyn ashty.
Bul týraly búgin QR Іshki ister mınıstrliginde ótken brıfıngte ІІM baspasóz hatshysy Nurdildá Oraz habarlady.
Onyń aıtýynsha,uzaq ýaqyt júrgizilgen genomdy-molekýlıarly saraptama qorytyndysyna sáıkes, ishki ister organdary osy jyldyń tamyz aıynda Almaty oblysy Esik qalasynyń shetinde tabylǵan áıeldiń jeke basyn anyqtaǵan.
Beti men basynda aýyr jaraqaty bar áıel adamnyń máıitinen onyń qatty soqqylardan kóz jumǵandyǵy belgili boldy. Mamandardyń aıtýynsha, qylmysty ashý qıynǵa soqqan. Óıtkeni qylmys jasalǵan kúnnen máıitti tapqanǵa deıin biraz ýaqyt ótip ketken, sondyqtan áıeldiń jeke basyn anyqtaý múmkin emes edi. Saraptama nátıjesi bir jarym aıdan keıin daıyndalyp, óltirilgen áıeldiń Esik qalasynyń 44 jastaǵy turǵyny ekeni belgili boldy.
«Jedel qyzmetkerler jábirlenýshiniń jaqyndarynan suraý alǵan kezde kúdikti er adamdy qolǵa túsiredi. Kúdikti qylmysty mas kúıinde janjal týyndaǵanda jasaǵanyn moıyndady. Osy fakti boıynsha tergeý amaldary jalǵasýda. Kúdikti ýaqytsha ustaý ızolıatoryna qamaýǵa alyndy», - deıdi N. Oraz.
