Mas kúıde tóbeles shyǵarǵan – elorda áýejaıynda jolaýshy tutqyndaldy
NUR-SULTAN. QazAqparat – Elordanyń áýejaıynda kóliktegi polıtsııa qyzmetkerleri ákimshilik quqyqbuzýshylyq jasaǵan 43 jastaǵy er adamǵa aıyppul saldy, dep habarlaıdy QazAqparat tilshisi.
Kóliktegi polıtsııa qyzmetkerleri er adamdy Ákimshilik kodekstiń bir emes, úsh baby boıynsha ákimshilik jaýapqa tartqan. Atap aıtqanda er adam elektrondy temeki shegip, qoǵamdyq orynda mas bolǵany, sonymen qatar usaq buzaqylyǵy úshin aıypty bolyp, 55 AEK aıyppulǵa ilikken.
Kóliktegi polıtsııa departamentiniń bastyǵy Qalıhan Qobylandınniń aıtýynsha 3 qazanda Nur-Sultan qalasynyń áýejaıyndaǵy Jelilik polıtsııa bólimine «Skat» áýe kompanııasynyń ókili habarlasyp, «Nur-Sultan – Aqtaý» baǵytyndaǵy ushaqta mas jolaýshynyń júrgenin aıtqan.
«Tekserý barysynda Mańǵystaý oblysynyń 43 jastaǵy turǵyny mas kúıde áýe kemesiniń salonynda temeki shegip, boqtap sóılegeni, tipti atalǵan áýe kompanııanyń qyzmetkerlerimen tóbeleskeni anyqtaldy. Ushaq qonǵannan keıin er adam polıtsııa tapsyryldy», - dep atap ótti polıtsııa polkovnıgi.
Oǵan qatysty is Aqtaý qalasynyń mamandandyrylǵan ákimshilik sotyna jóneltilgen.
Kóliktegi polıtsııa departamenti jyl basynan beri ártúrli deńgeıdegi ákimshilik quqyqbuzýshylyqtar úshin 32 498 adam jaýapqa tartylǵanyn habarlaıdy.
